الثورة ما وقفت تا ترجع!

الثوار ملتزمين بالحفاظ على حياة الناس كرمال هيك قعدو بالبيوت… مش لانو خيفانين من حدا.

نحنا بزمن الكورونا ما وقفنا شغل ابدا. عم نجرب ننظم حالنا بحبهة سياسية. عم نعمل حملات إعلامية وعلى السوشال ميديا وأهمها حملة دعم استقلال القضاء… يللي منعتقد رح تجيب نتيجه قريبا.

الكل بالسلطة لازم يعرفو انو بلشت الرجعه على الأرض والثورة رح تجرفن كلن يعني كلن.

التحركات يللي بدنا ياها سلميه ما بقى فيها تكون سلميه قد الأول… حتى ولو بدنا ياها تضل سلميه!

رح ناخد احتياطاتنا الصحيه، بس راجعين بكل الساحات. من ساحة الشهدا لساحة عبد الحميد كرامي بطرابلس لساحة ايليا بصيدا لساحة العلم بصور ولساحات النبطية وكفررمان وعاليه وزحلة وسعدنايل وجل الديب والذوق وعكار …

وفي مناطق تانيي بدها تنزل معنا، من بيناتن أهل الضاحية… لانو الوجع واحد، و لانو الجوع كافر.

يللي سرقنا وذلنا ٣٠ سنين مش هوي فيه يخلصنا!

كل الشوارع رح تسمع صوتنا …

كل الإدارات رح تسمع صوتنا …

الأموال المنهوبه بدها ترجع…

والعلم اللبناني رح يكون فوق أعلام الأحزاب كلها.

كورونا السلطة والافلاس والجوع اخطر بكتير من فايروس كورونا!

هني حولو البلد إلى تيتانيك نحن بدنا نوعي فيه طير الفينيق!

نحنا عنا حلول مالية وعنا حلول للكهربا وللزبالة… ومنعرف نحل المشاكل احسن منن!

وليللي مفكرين انو الثورة وقفت… منوعدن الثوره راجعه… والشعب راجع.