المصدر: صوت لبنان
الى روح الشهيد علاء أبو فخر…
مطرح ما دمَّك سال العطر
ودموع تحفر خَد تِنزل نهر بِ قلوبنا يا كبير حافِر حَفر
ثورة غضب غطِّت سَما لبنان حِزن وبكي ونوَاح لان الصَخر
خطيتك حمِلت وجَاعنا عنوان وشو طلِعت غالي يا تمَن يا مَهر
يا مفخرَه ويا قلب من صوَّان حامِل عَ إيدَك روح تعصُر طهر
كِنت البَطل يا مسَلَّح ب إيمان ونزِلت تصرخ لا ظلم لا قهر
ب عِّز وكرامِه ينعَم الإنسان ولو طال عِنَّا الليل جايي فَجر
وهويت فارس ، شيخ بِ الفِرسان وراح وشرَد ما عاد يرجع مُهر
وكِرمال يبقى هالبلد مِنصان مطرح ما دمَّك سال فاح العطر
إنتَ شهيد بلادنا وقربان عَ مَدبح الأوطان فرَّخ زهر
مَوتك حياة وعِرس والبرهان بعد العسر والقهر جايي اليسر
غصِّت سمانا اليوم بِ العِرسان وبَدل الدموع اليَوم سال الحِبر
مِنَّا إلك تقدير مع عِرفان جميلك علينا للأبد للعُمر
معروف حنَّا حسين هَو إخوان جمَعت الوطن وسألت ، وين الأجر؟
غيَّرت كل اللصار والَّلي كان المسؤول رَح بِ يشوف نجم الضهر
وسمِعت صوت دموعها ألحان قدَّامها قتلوك قصد وجَهر
ويا علاء الرِحت مِش بكيان وثورَه عليها صار ماضي شهر
حميت الوطن بالروح مش سئلان وكِرمال يبقى هالوطن هالحِلم
مضرَّج بِ دمَّك رِحت يا بو فخر
المقالات المنشورة تمثل رأي كتابها