جان قسيس

المصدر: صوت لبنان

انشالله قَريب نْشوفْكُنْ كِلّكُنْ سَوا فَوْق المَشانِقْ.. بِالمَزابِل.. عَالحَديدْ

ضَلّو اسرحو بْهَالأرض يا شِلّة عَبيدْ
هَالغَطْرَسَهْ اللّي بْراسْكُنْ مِش رَح تْفيدْ
سْرَقْتو البَلَدْ…لا قَمح ضَلّ وْلا زَوانْ
وْلا رْغيفْ خِبز يْشَبِّع مْعَتَّر جوعانْ
وْبَعدا المَصايِب عَن إيدَيْكُن عَم تْزيدْ

مْنَعْتو الدَفا عَن أهلنا…خْفيتو الدَوا
وْحَتّى… قَطَعْتو المَيْ… سَمَّمتو الهَوا
انشالله قَريب نْشوفْكُنْ كِلّكُنْ سَوا
فَوْق المَشانِقْ… بِالمَزابِل… عَالحَديدْ

المقالات المنشورة تمثل رأي كتابها