ليليان نمري

المصدر: صوت لبنان

الممثلة ليليان نمري:” لجنة الموركس دور مش حاضرة مسلسل “ع اسمك”؟!…. عيب!

ردّت الممثلة ليليان نمري على عدم تكريمها بحفلة توزيع جوائز الموركس دور بالقول:” ولا سنة زعلت لانو ما تكرمت بالموركس دور ،ما في ممثلة صارت مكرمة قدي ٧٠ مرة من قبل جمعيات ومنظمات مضيفة:” صحيح انو بهيك نوع من التكريم ما بيتّكلوا ع تصويت الناس واللجنة هيي اللي بتقرر بس انو مش حاضرين مسلسل “ع اسمك” وشايفين دوري بجورجيت درباس؟!
نمري وفي حديث لبرنامج عالموجة سوا عبر صوت لبنان قالت :”صرلي ٥٤ سنة بمثّل عيب يكرموني على دور لازم اتكرم على مسيرتي،ما بيصير انو بعد ٥٤ سنة بالتمثيل يتهمش اسمي بهالطريقة.
نمري اكدت ان الجائزة الأهم بالنسبة اليها هي محبة الناس وهي لا تسعى الى تحقيق مكاسب مالية من خلال التمثيل قائلةً:” أمي وبيي ماتوا ما عندن شي ملك، وانا ما بملك حتى سيارة،واشتراك موتور ما عندي، بس لما بمشي ع الطريق وحدا بيوقفني بيقلّي يرحم بطن اللي خلفك بتسوى عندي كل مال الدني على حدّ تعبيرها.
وعن مشاركتها في مسلسل للموت ٢ قالت نمري:كتير خايفة من مسلسل للموت بخاف ع اسمي وع ثقة الناس،ما بنام الليل لما يكون عندي مسلسل.
وعن وضع البلد اعتبرت نمري أن هذه أسوأ ثلاث سنوات مرّت على لبنان، فاللبناني لم يعش الذلّ كما اليوم وتوجهت الى المسؤولين بالقول:” انتو الله ما خلقكن لتجوا تذلونا وفشر ع رقبتن كلكن”.