المصدر: صوت لبنان

بالصور: “الحرس القديم” يعتدي على منزل الممثل أسعد رشدان ورشدان يعلق: “سلمولي عالحرس القديم والجديد”

تعرض منزل الممثل أسعد رشدان للإعتداء من قبل مجموعة من “الحرس القديم” حيث قامت بإلصاق صور لرئيس الجمهورية على الجدران مكتوب عليها “فخامة الرئيس ميشال عون تاج راسك”.

وعلق رشدان على هذا الموضوع عبر حسابه على فيسبوك كاتباً:” الحرس القديم: قبضيات…

لا اسم، لا رسم، لا كسم…

البطل اللي نطرني تا ضهرت من البيت ليوصل عا مدخل بيتي، بيعرف منيح اني لو شفتو… كنت تصرّفت معو، دفاعاً عن حرمة بيتي… وهلق بقلّو هوي واللي بيشد عم مشدّو، هيك رح يصير اذا بلمح حدا مشبوه مارق من حد بيتي…

سلمولي عالحرس القديم والجديد.

ولو فعلا كنتو من الحرس القديم، كان لازم تعرفوني منيح قبل ما تلعبوا بديلكن.

اذا كنتوا هالقد قبضايات واجهوني ومنشوف…

شرط بلا كمامات…”.

وعاد وأضاف: “أنا أسعد رشدان…

شرّفتولي بيتي متل ما شرّفتوا بكركي بالـ ١٩٨٩

وشرفتوني إلي متل ما شرفتوا غبطة البطرك صفير من ٣٣ سنة…

يا ريت حدا منكن عندو الجرأة يعرّف عن نفسو متلي ومتل رئيسكن… ما خاف متلن… قال انا ميشال عون،

وأنا قلت انا أسعد رشدان، فَإنتو مين يا حلويييين؟”