من ديوان “آخ” (1974) بْ صوت زينا زيادي

يَلاّ يا قلبي، رجاع طفل الولدني

والشيطني

واللعب، والسوآل.

شوف السما بتنطال

عن روس الجبال.

فَرِّق همومَك عَ النجوم

فَرِّق نجوم الشعر عا ليل الهموم.

عَبّي جيابَك هالزغار

حجار.

تولدَن عَ ألله شوي، زِتِلّو حجر

تولدَن إنت والبحر، زِتِلّو حجر

تولدَن إنت والجَو

سافر بيبحر الضَو

خربش عَ القدَر.

تخايل شي بَوسي بعد

ما انباست، تخايل وعد

وشبّاك ودرابزين عا سطح القمَر.