من ديوان “مبارح كنّا ولاد” (1984) بْ صوت زينا زيادي

دادي يَلاّ دادي

عم تمشي لحالا

تْطَلَّع، شوف خْيالا

كيف لاحِقها دادي

ووقعِت عَ السجّادي

وبعد تلات سنين

رح ضِبلاّ اللعبي

وإنزل جِبلا علبي

متلاني تِلوين

ويدقلاّ قلبي

تقعُد ترسُم دادي

قمَر لونو رمادي

ويجي الأوتوكار

ياخدها ويروح

عَ الدرب المفتوح

الفيها ولاد زغار

مراويلُن بِتْلوح.

يلمُّن دادي دادي

والمريول رمادي

وتمرُق السني

يزغر المريول

غيِّرلا المريول

وغيِّرلا السني.

وشَعرا هَالمجدول

يطوَل دادي دادي

بخيال البَرادي